Chapter 45

“Summer?” Hindi makapaniwala na sambit ni Hanz, sa pangalan ng kanyang asawa. Napatda sa kanyang kinauupuan si Ginang Zimmer habang nakatitig sa mukha ng kanyang manugang. Halos hindi na niya namalayan na kanina pa nakaawang ang kanyang bibig. Kung iyong susuriin ang expression sa mukha ng lahat ay parang akala mo’y nakakita ng multo ang mga ito. Nanatiling tahimik at nagmamasid lang si Mr. Zimmer mula sa kanyang kinauupuan.

Katahimikan…

Tanging mga yabag lang ni Summer ang naririnig sa loob ng silid na kanilang kinaroroonan. Wala ni isa man sa kanila ang nangahas na magsalita, hanggang sa huminto si Summer sa pinakang sentro ng mahabang lamesa. Nang mga sandaling ito ay may kung anong damdamin ang bumalot sa puso ni Hanz. Parang gusto niyang sugurin ng yakap ang kanyang asawa ngunit hindi niya magawa dahil iniisip niya na marahil ay labis siyang kinamumuhian nito.

“Please take your sit, ano ang maipaglilingkod ko sa inyo?” Walang buhay na tanong niya sa pamilya ng kanyang asawa.