Kabanata 26 The New Shareholder

Nilamon ng selos ang kanyang puso. Kumulo ang dugo niya sa eksena. At awtomatikong tila siya si Hulk sa silakbo ng damdamin. Hinila niya ang buhok ni Casey! At inilampaso sa labas ng opisina. May ilang empleyado sa hallway na nakakita.

Nakabawi sa pagkabigla si Ethan at inawat ang dalawang babaeng nagsasabunutan. Napakalakas ni Hanna. Iniharang nito ang katawan sa pagitan nila.

“Ikaw babae ka, ang landi mo, asawa ko na si Ethan! Kakalbuhin kita.” Binuhat siya ni Ethan pabalik sa loob ng opisina.

“Anong eskandalo na naman ang ginawa mo?”

Hindi siya makapaniwalang ito pa ang galit matapos niyang mahuling nakikipaghalikan.

“Ang kapal ng mukha ng babaeng iyon para halikan ka! At ikaw baka nakakalimutan mong may asawa ka na!” sigaw niya.

“Hindi kami naghahalikan. Siya ang nagdikit ng labi niya sa labi ko. At ikaw baka nakakalimutan mong hindi totoo ang relasyon natin? Na sa mata lang tayo ng ibang tao mag-asawa. Nababaliw ka na naman!”

Natigilan siya at napaupo sa sofa. Napapikit siya ng m