KABANATA 45

Sobrang lakas ng tibok ng puso niya sa kaba at sa madilim na titig ni Sir Hector. Natahimik pa ang buong mesa at mukhang naramdaman ang tensyon sa kanilang dalawa ni Sir Hector.

"Meeting adjourned. Sa susunod na lang natin pag-usapan ito," pagtatapos ng Daddy niya bago tumayo.

Nagsipagtayuan din ang mga naroon at lumabas ng conference room.

"Importante ay panatag tayong nandiyan si Mr. Montanier para tulungan ang magiging CEO," dinig niyang pampalubag loob ng isang Ginang sa mga ibang investors nila.

Nilunok niya ang natapakan niyang pride. Para bang wala talagang tiwala ang mga ito sa kanya, naroon lang para kay Sir Hector.

Kita niyang napailing ang Daddy niya, "Ayusin mo muna ang prersonal mong problema, Lorelei. Ako na muna ulit ang maghahandle sa kumpanya ko. Hindi ka pa handa," mabigat na desisyon ng Daddy niya.

Kinagat niya ang ibabang labi upang pigilan ang maiyak. Lumabas rin ito at tanging naiwan ay sila ni Sir Hector, ang mga bata, Si Yaya Mona at si Miss Melia.

"Sir na gwap