SABADO noon nag-stay lang si Jillian sa bahay. Gusto niya kasing ibuhos muna sa mag-ama niya ang kanyang atensyon at siyempre, pati pagmamahal. Magagawa lang niya iyon kung aasikasuhin muna niya ang mga ito.
Malalim na buntunghininga lang ang pinawalan niya nang bumalik sa isipan niya ang mga naging pagtatalo nila ni Lance sa script na kanyang sinusulat.
"Hindi ba pwedeng gawin na lang pure love story ang gagawin nating istorya."
"Ang hero ko, eh, nagiging aso, paano natin iyon gagawing pure love story kung may magic na nangyayari."
"Simple, huwag na nating gawing fantasy."
"So, uulitin natin?"buwisit niyang tanong kay Lance.
"Yes."
"Ang ganda na ng istorya, malapit na mabuo."
"Maigi kasing mas makatotohanan."
"Baka naman gustuhin mo pang baguhin ang buong istorya."
"Why not?"
"Sana sa umpisa pa lang
Kung minsan talaga ay mahirap ang pumili lalo na't pareho mo silang gusto, kaya lang, may pagkakataon sa ating buhay na natatakot tayong sumugal dahil natatakot tayong mabigo. Dahil dito, mas pinipili na lang natin ang sigurado. Iyon taong kahit hindi natin mahal na mahal pero alam naman nating tayo ang minamahal. Ang tanong nga lang, paano kung ang taong hindi mo pinili at mahal na mahal mo, ang higit palang nagmamahal?
ITUTOK mo lang sa trabaho ang atensyon mo. HUwag mo siyang papansinin, mariing sabi ni Jillian sa kanyang sarili. Kahit hindi niya igala ang kanyang pansin, alam niyang may mga matang nakatingin sa kanya at tiyak na tiyak niya kung sino ang nagmamay-ari ng mapupungay na mga matang iyon. Buwisit! Mula nang ipangalandakan ni Lance na mayroon silang relasyon dati, parang nag-iba ang tingin ng mga empleyado ni Lance sa kanya. Wala na nakikipagkuwentuhang lalaki sa kanya na para bang isang pagkakamali na makipag-bonding sa kanya. Hate you Lance, naiinis niyang sabi sa sarili. Kahit tuloy gusto niyang ibuhos ang lahat ng kanyang concentrasyon sa pagtatrabaho, hindi niya magawa. Dama niyang nakatingin ito sa kanya kaya naman mas nakakaramdam siya ng guilt. Kahit kasi sabihin niya na sa sarili ng paulit-ulit na si Mark Wayne ang kanyang mister at ito ang talagang may karapatan sa kanya, malaking bahagi ng sistema niya ang tumatanggi. Damang-dama niy
SINIKAP ni Lance na maging kalmante para hindi magbago ang isip ni Franco na harapin siya. Talaga naman kasing nakakainit ng ulo na malamang may kinalaman ito sa hiwalayan nila ni Jillian. Ang tanong lang, paanong nangyari iyon? Malinaw kasi sa isipan niya ang sinabi ni Jillian sa kanya na kaya siya nito iniwan ay dahil na-realize nitong si Mark Wayne lang ang kaya nitong mahalin. Masyado siyang nasaktan sa mga sinabi ng ex-girlfriend kaya hindi na niya nagawang makapag-isip pa. Dahil sa gusto na niyang marinig ang sasabihin ni Franco, umalis na siya sa opisina kahit marami pa siyang dapat na asikasuhin. Mabuti na lang at wala namang meeting o anumang event na dapat niyang puntahan. Napabuntunghininga lang siya nang maisip niya si Jillian na parang pikon na pikon sa kanya. Kung tapunan siya nito ng tingin ay para bang may kasalanan siyang nagawa rito. Sa kaisipang iyon, hindi niya napigilang pagtawanan ang sarili. Kung umasta kasi siya'y par
BAKLA ako! Kung hindi lang si Franco ang nagsabi sa kanya ng mga katagang iyon, hindi siya maniniwala. Well, hindi pa rin naman siya makapaniwala kaya nga hindi siya makakilos ngayon gayung kanina ay gustung-gusto na niya itong pagsasasapakin. Matalik na kaibigan niya ito, dapat ay karamay niya pero ito pala ang naging dahilan ng kanyang pagdurusa. "Mahal na mahal kita pero hindi ko magawang masabi sa'yo dahil ayokong layuan mo ako. Ayokong pandirihan mo ako. Kaya lang, selos na selos ako kay Jillian kasi mahal na mahal ko siya. Gusto ko sana akong tingnan mo ng ganu'n. Gusto ko, ako ang yakapin mo. Gusto kong ako ang halikan pero pero hindi pwede." "Talagang hindi pwede!" sigaw niya. Ngayon niya naintindihan kung bakit ini-entertain lang ni Franco ang mga babaeng nagkakagusto rito kapag nasa paligid siya. Sadya lang nitong ipinagmamalaki sa kanya na playboy ito para hindi niya mapansin ang tunay nitong pagkatao na pilit nitong itina
SABI ni Jillian sa sarili ay gusto niyang mawala sa isip niya si Lance at ang anumang nararamdaman niya rito, pero, paano niya magagawa iyon kung pinili pa niyang magpunta sa lugar na tinatambayan nila dati? Dahil mahilig sa basketball si Lance ay lagi siya nitong dinadala sa open court na iyon na matatagpuan malapit sa kanilang university. Kung walang gumagamit ng court ay nagwa-one on one pa sila ni Lance sa paglalaro ng basketball. Lagi kasing may dalang bola si Lance na nakalagay sa kotse nito at kung minsan naman ay nasa loob ng bag. "Natatandaan mo ba ang ginawa mo ng matalo mo ako nu'n sa basketball?" tanong sa kanya ni Lance habang humaharang ito para hindi niya ma-shoot ang bola." Napangisi siya dahil natandaan niya agad kung anong tinutukoy nito. "Siyempre, binigyan kita ng upper-cut nu'n dahil natalo kita." "Alam mo bang mula nu'n ay nagkaroon na ng problema ang puso ko?" Sa winika nito ay
SA limang taong pagsasama nila ni Jillian ay ginawa niya talaga ang lahat para maging karapat-dapat siya sa pag-ibig nito kaya naman kahit asawa na niya ito, sinikap pa rin niyang magpaka-gentleman. Alam kasi niyang noong panahon na iyon ay masyado pang sariwa sa alaala nito si Lance kaya't kahit na igiit niya kay Jillian ang kanyang karapatan, hindi naman siya masisiyahan dahil alam niyang ibang lalaki pa rin ang maiisip nito at siyempre, ayaw niya ng ganoon. Ang nais niya kapag kinuha niya ang kanyang karapatan ay walang ibang makikita si Jillian kundi siya. Sa kaisipang iyon ay parang gusto niyang magtawa, talaga nga bang 'makukuha' niya si Jillian gayung alam naman niyang nawalan na ng silbi ang kanyang pagkalalaki mula nu'ng maaksidente siya? Nang sabihin ng unang doktor na tumingin sa kanya na nawalan na ng silbi ang kanyang pagkalalaki ay inisip na niya agad na wala na siyang karapatang magkapamilya. Hindi na rin niya kayang paniwalaan ang sinabi ng iban
NAPAGTANTO ni Lance na hindi lahat ng tama ay dapat sundin, lalo na kung hindi ito ang makapagbibigay ng kasiyahan sa kanya. Matagal na panahon na siyang nagdusa kaya gusto naman niyang sumaya at alam niyang sa kanya din naman liligaya si Jillian dahil tiyak niyang kinikimkim lang nito ang nararamdaman para sa kanya. Hindi siya manhid para hindi mabasa sa kilos ni Jillian ang tunay nitong nararamdaman na pinipilit nitong labanan. Iniiwasan nitong mapatingin sa kanya dahil natatakot itong mabasa niya ang pa-ibig at pangungulila nito sa kanya. Kung noon ay sinasabi niyang pinaasa lang niya ang sarili, ngayong nalaman niya ang dahilan kaya siya iniwan ni Jillian ay nakatitiyak na siya. Kailanman ay hindi siya nawala sa puso ni Jillian. Ang hindi lang malinaw sa kanya ay ang dahilan ni Jillian kung bakit kinailangan nitong pakasalan si Mark Wayne gayung siya naman pala talaga ang mahal nito. Nais lang ba talagang ipamukha sa kanya ni Jillian mas matimbang siy
MASAKIT na masakit ang ulo ni Jillian nang magising siya kaya naman parang ayaw pa niyang bumangon. Saka masarap din sa pakiramdam na yakap-yakap siya ng kanyang asawa. Si Mark Wayne? nagtatakang tanong niya sa sarili dahil hindi naman ganoon ang nararamdaman niya kapag kayakap niya ang asawa. Ngayon kasi ay parang ang bilis-bilis ng pintid ng kanyang puso. Pakiwari niya'y may kung anong halimaw na humahabol sa kanya kaya gusto niyang tumakbo nang tumakbo. Saka, iba ang amoy nito. Sa limang taon na pagsasama nila ni Mark Wayne, hindi pa nangyaring parang nagkabuhol-buhol ang kanyang katinuan dahil sa amoy nito. Ngunit, ganoon ang nararamdaman niya kapag si Lance ang kanyang kapiling. Si Lance! gilalas niyang sabi sabay balikwas nang bangon. Bigla rin kasing nag-flashback sa kanyang isipan ang nangyari kanina. Masama ang loob niya dahil hindi niya alam kung ano ba talaga ang kanyang nararamdaman. Kahit kasi si Mark Wayne ang kas
PAKIRAMDAM ni Jillian ay hindi na niya kaya pang pigilan ang kanyang sarili. Miss na miss na rin naman kasi niya ang halik ni Lance kaya nagawa pa niya itong yakapin habang tumutugon siya sa halik nito. Sabi kasi ng puso't katawan niya, si Lance lang ang karapat-dapat na umangkin sa kanyang katawan. Ngunit, bigla niyang naitulak si Lance, nang pumasok sa isip niya si Mark Wayne. Ang kanilang kasal. Ang init ng pag-ibig na kani-kanina lamang ay nararamdaman niya'y parang binuhusan ng malamig na tubig. Kung hindi man niya kayang ibigay kay Mark Wayne ang pag-ibig na ibinuhos niya kay Lance, hindi niya dapat kalimutang irespeto ang bestfriend niya bilang asawa. "I hate you, Lance!" sigaw niya. Kung nagagalit siya sa kanyang sarili, mas matinding galit ang nararamdaman niya ngayon sa kanyang ex-boyfriend. Kung hindi ito muling pumasok sa kanyang buhay, hindi magugulo ang emosyon niya. Hindi dapat siya nakakaramdam ng matinding guilt ngayon