CHAPTER 228

TREXIE POV

"Manang, umalis na po ba si Dominic?" kaagad na tanong ko kay Manang pagkababa ko. Eksakto isang oras pagkatapos ng komprontasyon namin ni Dominic kanina sa kwarto at kaagad akong bumaba dito sa kusina para maghanap ng pwedeng kainin.

"Kanina pa po Mam. Hindi na nga po kumain ng lunch. Parang hinatid niya lang po ang mga pagkain para sa iyo." sagot naman nito sa akin. Kaagad akong napatango at naglakad patungo sa dining area para tingnan kung anong mga pagkain ang dala ni Dominic kanina.

Puro paborito ko nga pero wala akong balak galawin iyun. Pwede naman akong lumabas at umurder ng kaparehong pagkain kapag gusto ko.

"May mga pagkain pa po ba tayo sa ref Manang na ready to eat na?" baling ko kay Manang habang may pilit na nakaguhit na ngiti sa labi. Kaagad naman itong natigilan habang pasulyap -sulyap sa mga pagkain na nasa lamesa na.

"Hindi niyo po ba gusto ang mga pagkain na dala ni Sir Dominic Mam? Nabanggit niya po kasi sa akin kanina na mga favorite niyo daw po ito."