Kabanata 24.2 (Present)

HABANG pinagmamasdan ni Clayton si Ann na inaasikaso siya, para siyang bumalik sa nakaraan kung saan ayos pa ang lahat sa kanila. Katulad nang madalas gawin ni Ann, inasikaso muna nito si Rence. Dahil ayaw ni Rence ng ibang ulam bukod sa binili niyang fried chicken, iyon ang hinanda ni Ann dito. Minsan lang naman kumain ng fried chicken ang bata kaya pumayag si Ann.

Pinanood niyang sandukan ni Ann ng pagkain ang bata at noong matapos ito, humarap naman sa kanya si Ann. Bahagya pang lumaki ang mga mata ni Clayton noong bumaling sa kanya ang asawa.

Mas lalo pa si Clayton nagulat noong lagyan ng kanin ni Ann ang plato niya at magtanong sa kanya. "Anong gusto mong ulam?"

Napatitig siya sa babae at alanganin itong nginitian. "H-Hindi na. Ako na."

Sinubukan ni Clayton na kunin ang hawak ni Ann na sandok noong tapikin nito ang kamay niya.

"Ako na nga. Anong gusto mo?"

Napilitang ituro ni Clayton ang chicken curry at pinagsandok