Art of Destiny XXI

Makikita si Drax Steve sa isang maluwang na study room ng kaniyang Dadddy Phillip. Sa isang round table ay mapapansin ang isang usok na nagmumula sa isang sigarilyo na nakapatong sa isang ashtray.

Napabuga ng hanging may usok si Drax kasabay din ng malalim na buntong-hininga. Isang araw na ang nakalipas nang maikasal si Rose Mary kay Jino pero wala pa din siyang balita sa babae. Hindi niya alam kung bakit pero nakaramdam siya ng malalim na selos na halos ikatupok niya.

Ano at parang nakalimutan na yata ng babae ang tungkol sa kaniya? Ibig kayang sabihin noon ay tinalikuran na ni Rose Mary ang kanilang mga plano?

Marahas siyang napabuga. Sana nga ay hindi na siya pumayag sa plano ng daddy Jonathan ni Rose Mary. Hindi na sana umabot sila ng kasintahan niya sa ganito.

Hindi na sana nasangkot pa si Jino sa buhay nilang dalawa! Hindi na sana nagulo ang masaya nilang pagsasama! Hindi sana ikinasal si Rose Mary kay Jino! Hindi sana siya mag-isa ngayon at naghihirap ang kalooban.

Hindi sa