《SLEEPING BEAUTY (Tagalog)》全部章節：第 31 章 - 第 33 章

JONI POV"SI ANDROSS? nasaan siya?" tanong ni Joni sa matanda nang maalala niya na kasama pala niya si Andross palakbay sa lugar na iyon subalit sa pagmulat ng mga mata niya ay wala na ito at mag-isa na lang siya. "Ang kaibigan mo na dalaga ang nais niyang matagpuan kaya marahil nandoon siya kung nasaan naroon ang dalaga," tugon sa kanya ng matanda.

MADILIM at wala siyang makita kahit ano sa paligid niya. Iyon ang sumalubong sa kanya sa pagmulat niya ng kanyang mga mata.Tumayo siya sa pagkakahiga at nang may malamig siyang natapakan ay nagulat pa siya at muling dinama ito. Nang makasigurado na matibay ang tinatapakan niya saka na siya tumayo. Subalit nanghihina ang mga tuhod niya kaya napaupo siya sa malamig na tinatapakan. Kinapa-kapa niya ang paligid at naghahanap ng makakapitan, nang may mahawakan siya, kaagad niyang hinawakan iyon at ito ang ginamit niya upang makatayo.