Lahat ng Kabanata ng Bound To My Neighbor's Son: Kabanata 21 - Kabanata 22

NAEVIA’S POVGaya ng ipinangako ni Dravian, kasama sina Mama, Tita Clara at ang mga bata ay nagpunta kami sa isang resort sa bandang Quezon. Napakaganda ng tanawin, sariwang hangin at higit sa lahat ay napakasarap sa pandinig ang mga alon na na humahampas sa dalampasigan. Agad na tumakbo patungong dalampasigan ang mga bata dahil sa labis na pagkasabik nang makita ng mga ito ang dagat lalong lalo na si Rowan na ngayon lang nakakita ng dagat. Sa tuwing magkakaroon ng outing ang pamilya noon ni Rhaziel, madalas na private resort ang pinupuntahan namin pero kapag sa dagat na ay hindi kami pinapasama ni Rhaziel. Ang dahilan nito ay delikado umano ang dagat para sa mga maliliit na bata. Baka raw matangay ng alon at malunod. Agad kong ipiniksi sa aking isip ang alaalang may kaugnayan sa dati kong kinakasama pero sa bawat sandali na kasama ko si Dravian, kahit pa hindi ganoon katagal. Marami na itong bagay na ginawa sa akin. Mga bagay na tila nagbigay sa akin ng linaw at nagpagising sa akin