Kabanata 30

Ito na yata ang matagal ko ng hinihiling, iyon ay sana kahit man lamang sa kanilang huling hantungan ay magkasama silang dalawa.

" Hello po Mommy and Daddy, birthday ko po ngayon." Nagkatinginan kami ni Gabby na halos maluha luha.

May ibinigay kami na flowers kina Ate Ysabelle at nagsindi na rin ng kandila.

Ito ang huling hiling ko kay Tito Sander, hindi ko akalain na gagawin niya ito sa madaling panahon.

" Limang taon na ho ako." Anito at ipinakita pa ang mga limang daliri nito sa harapan nila.

Inilagay ko din ang picture na magkasama silang dalawa ni Kuya Alex. Hindi ko makayanan ang bigat at sakit. Limang taon na din, ng mawala ang kanyang magulang. Pero parang kailan lang, ng mahuli ko silang magkasama ni Kuya Alex.

Hindi niya maiintindihan ngayon, pero darating ang panahon na mas lalong maiintindihan niya ang mga bagay bagay at ayoko na maramdaman niya na nagiisa siya.