Chapter 79 (Part 2)

CHAPTER 79 (PART 2)

FIVE YEARS LATER

“Quin, bilis na male-late ka na sa school,” sigaw ni Amelia habang nakadungaw sa hagdan ng kanyang bahay.

Lumabas naman ang batang bungi sa kwarto nito habang nakasukbit sa likuran ang bag at nasa kamay ang magazine na malamang ay kinuha na naman nito sa mga gamit niya.

Iwinagayway nito iyon. “Mommy ku, dalhin ko po ito sa school.”

“Anak, hindi mo iyan kailangan.” Ngumuso ang batang maliit nang kinuha niya iyon mula rito.

“Mommy po, sabihin ko sa classmate ko po na may daddy aku. Pipili aku.”

Napatapik siya sa noo. Akala yata nito ay kahit sino na lang ang pwedeng ituro na lalaki at ariin na sariling ama.

“Baby, hindi pwedeng magtuturo na ka na lang bigla ng daddy.”

“Baket pu wala akong daddy? Where is he?”

Napakamot-kamot siya sa kanyang batok, ilang beses na yata siyang tinanong nito ng ganon simula ng pumasok ito sa grade one. Hindi naman