Chapter 77
Habang ini-steam ko ang gulay na kasama sa beefsteak, bigla akong nagsalita, medyo nag-aalinlangan. "Alam niyo, may gusto sana akong itanong sa inyo..."
"Ano na naman 'yan, Pipay? Kung paano gumawa ng sushi?" tanong ni Tristan, sabay tawa.
"Hindi ah," sagot ko, bahagyang ngumiti pero seryoso pa rin ang tono. "Alam niyo ba kung saan pwedeng mag-aral? Gusto ko kasi sanang makapag-aral ulit. Alam niyo naman hanggang Grade 5 lang ako dahil... sa madrasta ko dati."
Biglang natahimik ang dalawa. Napatigil si Rafael sa pag-check ng phone niya, at si Tristan naman ay huminto sa pagsasalin ng tubig sa baso.
"Talaga? Gusto mong bumalik sa pag-aaral?" tanong ni Rafael, seryoso ang tono pero may halong pagkamangha.
"Oo," sagot ko, tumango nang marahan. "Alam ko naman na okay na ako sa buhay ko ngayon. May business na, nakakakain ng maayos... pero iba pa rin yung may diploma, di ba? At saka, gusto ko rin naman matutunan yung mga bagay na hindi ko naabot noon."
"Grabe, Pipay, saludo ako
