DHALIA’s POV
Tahimik akong nakaupo sa opisina, hawak pa rin ang papel kung saan nakasulat ang pangalan ni Irina Lim bilang bagong modelo ng Garciaz Clothing Line. Ramdam ko ang malamig na singaw ng aircon, pero tila mas malamig pa ang nararamdaman ko sa loob.
Bakit siya?
Napatingin ako sa computer screen, pero kahit anong pilit kong ituon ang sarili sa trabaho, hindi ko magawang iwaksi ang gumugulong na tanong sa isip ko.
Alam kaya ni Henri ang tungkol dito? Siya kaya ang pumili kay Irina?
Gusto kong tawagan siya at itanong nang diretso. Pero natigil ako nang maalala ko ang sinabi ni Paula.
‘Pinuntahan siguro po ang Lim Company upang kausapin si Ms. Irina.’
Hindi ko alam kung bakit, pero may kirot na bumalot sa dibdib ko sa pag-iisip na silang dalawa ay muling magkikita.
Ano ba, Dhalia? Hindi ba dapat kampante ka na? Ikaw ang asawa.
Pero hindi ko mapigilan ang kaba.
Napabuntong-hininga ako at pinikit ang mga mata. Kailangang kumalma. Kailangang magtiwala kay Henri.
Pero p
