KINABUKASAN nang magising si Sarah ay pakiramdam niya ang bigat ng katawan niya. Marahil ay napuyat siya kakahintay kay Kenneth ngunit ng magising siya ay wala pa rin ito. Wala na rin doon ang mga anak nila at mukang maaga itong nagising sa kaniya.
Naghilamos muna siya bago bumaba at naaamoy niya agad ang mabangong niluluto ni Niña. Unang sumalubong sa kaniya ay ang kaniyang anak na si Khalil na nagulat pa dahil nagkasakubong sila.
“Oh Khalil anak, good morning kanina pa kayo gising?”
Umiling si Khalil sa kaniya at ngumiti.
“Kagigising lang din po namin, si mama Niña kanina pa po! Sakto pala po, aakyat na sana ako para gisingin ka. Kakain na po tayo ng breakfast.”
Napangiti si Sarah sa sinabi ng anak at tumango dito. Hinawakan niya ang kamay ng anak at sabay silang naglakad papasok sa dining area.
“Good morning everyone,”
Napatingin sa kanila ang nasa dining ng magsalita si Sarah at agad na tumakbo ang dalawa pang anak sa kaniya.
“Good Morning mommy!” sabay na bati ng mga ito.
“How’s
