Zain POV
Wala akong pasok ngayon sa pagiging peke kong boyfriend para kay Tahlia.. Sabado na naman kasi. Ibig sabihin ay uuwi ako ngayon sa amin.
"Sige, umuwi ka na sa inyo," sabi ni Tahlia bago ako umalis. "Pero pag-uwi mo, mag-grocery ka. Gamitin mo 'to. Para matuwa mama mo."
Iniabot niya sa akin ang isang sobre na may pera. Pero siyempre, hindi naman niya iyon inabot nang mabait na parang leading lady sa pelikula. Ibinato niya iyon sa akin na parang utang na loob ko pang tanggapin.
"Ano 'to? Para kang nagpapasweldo sa'kin ah ng advance?"
"Eh di 'wag mong tanggapin, ewan ko sa'yo."
Napailing na lang ako at sinilid sa bulsa ang sobre. Alam kong ayaw niyang magpahalata, pero gusto niya lang makatulong. Mukhang naaawa rin siya sa akin kahit paano. Oh, baka natutuwa kasi magaling naman ako sa trabaho ko sa kaniya. Wala pa akong nagiging palpak.
Ang magarang sasakyan niya ang naghatid sa akin pauwi. Wala pa man ako sa Lopez Jaena Town, sa Garay Street, dumaan pa kami sa mall. Sabi niya,
