Isang kahoy na paaralan ang bumungad sa amin sa dulo ng masukal na gubat na itinuro sa amin ng Cherufe na nakabantay sa tarangkahan ng Akademia kanina. Nananatiling hindi makapaniwala ang iba kong kasamahan sa natunghayan. Samantala ay ako naman na ang nangunang lumakad sa kanilang lahat upang tignan ang loob nito.
Ang totoo nito’y excited ako sa nakikita ko ngayon. Oo’t hindi ito katulad nang mga magagarang gusali na mayroon sa Akademia, pero ngayon lang ako makakapasok sa paaralang may pisara kung nagkataon. Para sa akin ay hindi na masama ang mayroon sa silid aralan nang pumasok ako rito.
Tulad ng tuluyan namin sa Cluster D ay gawa rin sa kahoy ang buong silid. May mga salaming bintana rin naman ito ngunit ang karamihan rito ay basag-basag na. May kalakahihan ito na nasisigurado kong kakasya kaming lahat o ang tatlumpong estudyente pa. May isa itong kahoy na table sa harapan at pisarang mukhang gamit na gamit na. Ang sahig rin
