ALDEN:
PARA AKONG nalulutang sa kalawakan habang nakikinig kay Mommy Lira kung paano nawala sa kanila si Andrea. Ang kakambal ni Lara!
Nagkaroon ng sunog sa nursery room ng mga new born babies noon sa hospital kung saan nanganak si Mommy Lira sa kambal. Sa bilis ng mga pangyayari ay si Lara lang ang nakuha ng mga nurse na sumagip sa mga babies habang si Daddy Adrian ay kinalong ang asawa na inilabas ng hospital! Nanghihina pa noon si Mommy Lira kaya hindi makakilos. Pero para silang pinagsakluban ng langit na malamang isa lang sa kambal ang nailigtas at napasali ang kakambal ni Lara na si Andrea sa iba pang babies na nasunog sa loob ng nursery room.
Walang ibang nakakaalam na may kakambal si Lara kundi tanging ang mga kalapit lang nilang kaibigan. Kasama si Mommy Diane at Daddy Dionne.
Ang sabi ni Mommy Lira ay anak niya ang nasa poder ko dahil pinasuri nito ang ilang hibla ng buhok ni Andrea na naiwan sa unan nito at nag-match ang DNA test nilang dalawa.
Mag-ina sila!
Saka ko naman
