“Fight? No tita, they're absolutely fins.” Honest na sagot ni Leo habang nakatitig sa bintana ng sasakyan.
Totoo naman. Sa mga araw na kasama niya si Mommy sa bahay, hindi niya nakitang nagtalo ang mga magulang niya. Si Mommy, laging tahimik. Si Daddy, madalas nandiyan pero parang may sariling mundo.
Naalala niya bigla yung sinabi ni Tita Cass, na magkakaayos din sila ni Mommy. “Eh ‘di ba sabi mo po magkakaayos na kayo ni Mommy? Kailan ba kayo mag-uusap nang maayos? I'm tired of hiding na.”
Napangiti si Cassandra at marahang hinaplos ang ulo ng bata. Sa kabila ng lambing, naglilihim ang mga mata niya, punong-puno ng galit at inggit.
“Soon, Leo. Malapit na.”Ang boses niya ay punong-puno ng pangakong walang katotohanan. “Buti na lang at hindi nag-aaway ang parents mo. Kinukumusta mo ba si Mommy palagi?”
“Mm-hmm!” Tumango si Leo at ngumiti. “Katabi ko si Mommy matulog araw-araw. Masaya siya.”
Napangiti si Cassandra. Isa lang ang ibig sabihin nito, naging epektibo ang plano niy
