Maria's POV
"Maria."
Ilang beses na niyang naririnig ang pangalan pero nanghihina ang pakiramdam niya kaya hindi niya maimulat ang mata.
"W-wake up."
"Hmm," tanging nasambit niya.
"Clyde, kailangan nating umalis dito," boses ng babae ang sumingit bigla na ikinakunot ng noo niya. "Sorry kung nagawa niya 'to." Sinundan ito ng paghikbi ng babae kaya pinilit niyang imulat ang mata.
Nang tuluyang magising, natutok ang tingin niya sa nag-iisang bombilya na patay-sindi sa kisame. Wala pa siya sa tamang huwisyo kaya nangangapa pa siya kung na'san sila.
"Maria, are you ok?" Nag-aalalang tawag ni Clyde na pilit pang umusog palapit sa kanya kahit pa nakatali ang kamay at mga paa nito. "Nawalan ka ng malay kahapon. God, thanks, nagising ka na, I'm so worried."
"Clyde," singit muli ng babae. "Mag-isip ka ng paraan kung p-pa'no tayo mkakaalis dito, p-please."
Napatingin dito si Clyde at ngumiti, "Don't worry, may tracker ang relong suot ko ngayon. For sure, mata-track nila tayo kung nasa'n
