Gaya ng dati ipinakita lang ng nurse ang vital signs ni Kalix sa monitor at ipinaliwanag ito.
“Binawasan ulit nila doc ang settings ng ventilator ni baby and tolerable niya naman mommy. Pinapabili na rin po kayo ni doc ng ram cannula para kapag na-extubate si baby yun na lang ang gagamitin niya. Aalisin na po itong tubo niya kung sakali mang magpatuloy ang recovery ni baby.” Sa narinig ni Czarina para bang bumilis ang tibok ng puso niya. Halo-halong emosyon ang nararamdaman niya. Masaya pero natatakot. Masaya siya dahil maalis na ang tubo ng anak niya, natatakot din dahil paano kung biglang hindi kayanin ng anak niya ng walang suporta ng ventilator?
Humugot ng malalim na paghinga si Czarina.
“Ito mommy yung reseta ng ram cannula niya. Magtanong na lang po kayo sa pulmonary office kung available po yan.” Ibinigay na ng nurse ang reseta. Tumango lang naman si Czarina. Sana ay magtuloy tuloy na ang paggaling ng anak niya hanggang sa mailipat sila sa ward at hanggang sa makauwi na ulit si
