Halos hindi makapaniwala si Melanie sa mga nalalaman niya. Sumasakit na ang ulo niya sa kakaisip. Hindi niya alam kung dapat ba siyang matuwa o dapat ba siyang magalit. Hindi niya maintindihan ang nararamdaman niya.
"Pakiramdam ko sasabog na ang ulo ko! Why is this happening?" Naiinis niyang wika habang nasa sala siya kasama ang asawa niya. "Simula nang pakasalan ni Tyrone si Czarina at magkaroon ng relasyon ang pamilya natin sa pamilya ng mga Jimenez nagkagulo na ang lahat. Sunod-sunod na ang mga nangyayari at hindi ko alam kung dapat ba akong matuwa. Lalong gumugulo ang buhay ni Tyrone." Nasstress niyang saad saka niya hinilot ang sintido niya.
Blangko lang naman na nakatingin ang asawa niya sa laptop nito.
"Hindi ba dapat mas matuwa ka na si Czarina ang babaeng napakasalan ng anak mo. Mas malaking problema kung ibang babae ang pinakasalan ni Tyrone. Mas malaking problema kung ang pinakasalan niya ay ang kapatid ni Czarina. Si Czarina ang kasama ng anak mo sa sex video at kung
