32
3RD POV
Hindi mapigilan ni Luz na tingnan si Anna, habang tahimik itong naka-upo sa tabi ng swimming pool.
Gusto niya sana itong lapitan, pero nagdadalawang isip siya. Nang nilingon sa kanya si Anna, ay dali-dali niya itong nilapitan.
“M-may iu-utos po ba kayo Ma'am Anna?” Tanong niya ng makalapit siya rito.
“Wala naman Manang, may iniisip lang ako.” Pansin ni Luz na parang may malaki itong problema.
“B-baka makatulong ako?” Tumingin muli si Anna sa kanya at ngumiti.
“Manang, alam mo bang gusto kung patayin silang lahat.” Napasinghap si Luz dahil sa sinabi ni Anna sa kanya.
“A-ano ba ‘yang sinasabi mo Ma'am Anna.” Wika ni Luz, habang humalakhak si Anna.
“Masyado ka naman seryoso Manang, biro lang naman.” Wika nito habang tinapik ang balikat niya.
“Kumusta na pala si Feljen Manang?” tanong nito sa kanya, habang hindi niya mapigilan ang sarili na titigan si Anna.
Napapansin niya kasi ang pag-iiba ng ugali nito.
“Natatakot ka ba sa akin Manang?” Ngiting wika nito sa kanya, kay
