Tuloy-tuloy sa pag-agos ang mga luha ni Angenette habang sakay sila ng taxi ni Timmy. Patungo sila sa ospital para kausapin si Isaac. Hindi niya kayang tanggapin na ganoon kadali na lang matatapos ang lahat sa kanila. Kailangan niya ito. Kailangan nila ito ng anak niya. Wala na rin siyang pakialam kahit ano pa ang sasabihin ng iba sa kaniya.
Hindi na niya mabilang kung ilang beses niya nang sinubukang tawagan si Isaac subalit hindi pa rin ito sumasagot. Dahil do'n ay mas lalong tumitindi ang pag-aalala niya na baka tuluyan na talagang mawala ito sa kaniya. Pagkadating sa ospital ay nag-send na lamang siya ng text message kay Isaac at sinabing nasa ospital siya ngayon.
Pagkapasok sa entrance, eksaktong nakasalubong nina Angenette ang dati niyang katrabahong nurse. Iniwan niya rito saglit si Timmy dahil ayaw niyang marinig ng anak ang mga sasabihin niya kay Isaac.
Pumunta siya sa elevator subalit natuklasan niyang under maintenance iyon. Dahil do'n, napilitan siyang dumaan na lang sa hag
