Chapter 202
JIMMIE POV
Habang nakaupo ako sa sofa at pinagmamasdan ang kambal na masayang nagkukuwento kay Kiera, hindi ko maiwasang balikan ang nangyari kanina.
Nang tanungin kami ni Jenny at John kung may bagong baby na sina Kiera at Jammie, halos hindi ko napigilan ang tawa ko. Mukhang sabik na sabik ang kambal na magkaroon ng bagong kapatid o pinsan. Pero ang mas nakakatawa, kung paano sinubukan ni Jammie at Kiera na umiwas sa tanong—halatang hindi pa sila handa sa usapang iyon.
Napatingin ako kay Claire, na tahimik na hinahaplos ang tiyan niya habang nakikinig sa usapan. Alam kong siya rin ay naiintriga sa posibilidad na masundan na ang kambal.
"Ang bilis talaga ng panahon," bulong ko sa sarili habang iniisip kung paano kami napunta sa ganitong sitwasyon. Dati, puro trabaho at negosyo lang ang nasa isip namin ni Jammie, pero ngayon, pamilya na ang priority namin.
Biglang napansin ko si Kiera na lihim na nakangiti kay Jammie, na parang may gustong sabihin pero pinipigilan niya lan
