Chapter 215
Matapos naming maayos ang mga gamit sa suite, agad kaming naupo sa malambot na kama. Napalingon ako kay Brandon na mukhang enjoy na enjoy, nakataas pa ang dalawang kamay sa likod ng ulo habang nakahiga.
"Ahhh… ang sarap pala talaga ng ganitong buhay, Mahal," aniya habang nakapikit.
Napailing ako. "Aba, parang gusto mo na yatang dito na tumira ah!"
Napamulat siya at ngumisi. "Bakit hindi? Kung may lifetime sponsorship mula sa mga anak natin, bakit hindi natin samantalahin?"
Pinandilatan ko siya ng mata. "Brandon, baka sa susunod, pati pagpapalit ng diapers mo, sa kanila mo ipasa ha!"
Napahalakhak siya. "Grabe ka naman! Hindi pa tayo umaabot sa ganyang level!"
Napatawa na rin ako. "O siya, sige, tumigil ka na sa kakaloko mo diyan. May schedule pa tayo mamaya, hindi tayo pwedeng tamarin."
Bigla siyang bumangon at nag-inat. "Tama! Saan nga ulit unang gala natin?"
Tiningnan ko ang itinerary at nabasa ko ang nakasulat: Lunch at Jumbo Seafood, then Merlion Park visit.
"Una, kakai
