Chantria
Sina Makino at ang mga kaibigan niya ang nag-aayos ng hotel na pina-reserve nila para gaganaping surprise party. Kami naman ang naatasan para sa mga pagkain kaya maaga pa lang ay namalengke na kami.
Mabuti na lang at sabado ang birthday ni Gab at walang pasok. Kami ni Iwatani ang naatasan sa pamamalengke at sa pagluluto. Tutulong naman sina Lorreine at Louella sa pag-aayos ngayon habang nasa palengke kami.
Sa mismong hotel kami magluluto at doon ay tutulong din ang lahat. May ilan sa kanila ang susundo kay Gab sa kanila at aayain itong maglaro ng basketball. Pero ang totoo ay dederetso sila rito sa hotel para sa surprise.
Sina Makino at Aaron ang magmemensahe sa isa’t isa para malaman namin kung paparating na sila. Nandito lang kami sa hotel at maghihintay dala ang cake na si Makino mismo ang nag-bake.
Kumuha lang ako ng ilang lobo na hahawakan samantalang iyong mga lalaking kaibigan ni Gab ay may hawak pang party popper. Sina Lorreine at Louella ay gaya kong may hawak ding m
