NANG mga sumunod na araw ay naging abala si Lalaine sa paghahanap ng naaangkop na kompanya kung saan siya maaaring mag-apply ng internship.
At dahil hindi tinanggap si Lalaine noong mag-apply siya sa National Museum Of Fine Arts, dahil na rin sa koneksyon ng kanilang guidance counselor sa namamahala rito, kung saan-saan nagpasa si Lalaine ng kanyang credentials.
Ngunit halos lahat ng kompanya na in-apply-an ni Lalaine ay hindi siya natatanggap sa kadahilanang hindi niya rin alam. Iniisip na lang niyang marahil ay marami ring tulad niyang estudyante ang naghahanap ng kompanya na mapapasukan dahil required iyon sa kanilang kurso at sa iba pa.
Nais ng kanilang eskwelahan na magkaroon sila ng experience sa isang kompanya habang nag-aaral para mas madagdagan ang kaalaman nila, hindi lang sa paaralan kundi maging sa tunay na buhay.
Sa huli, hindi na rin namili si Lalaine ng kompanya na pinagpapasahan ng kanyang credentials, dahil kahit na pipitsuging kompanya ay sinubukan na niya para lang
