"Uy dahan dahan kayo Beigi!" Halos mapairap si Rhiane sa pagsigaw ni Gail. Kung hindi lang talaga sa sitwasyon nila kanina pa rumolyo ang mga mata niya.
"Rhiane! Okay ka lang ba?!" tarantang sigaw ni Darlene tsaka tinulungan siyang makatayo.
Umalalay na rin ang dalawa niyang kaibigang lalaki. Nang makatayo na siya ay binalingan naman niya si Darryl na tinutulungan ng mga ka frat nito.
"Shit," daing nito nang akmang itatayo na.
Agad siyang naalarma at nilapitan ito. Hirap ito sa pagtukod ng kaliwang paa. Mukhang ito ang sumalo sa lahat ng bigat nila nang bumagsak sila kanina.
"Mukhang may sprain ka Darryl." Tiningnan niya ang paa nito at mukhang tama nga si Jake.
