Pagkabalik nila ng resort ay bagsak lahat sa kani kanilang mga kwarto. Hindi na nga nasunod ang orihinal na planong maliligo sila ngayong hapon dahil sa pagod.
Pabagsak na humiga ng kama si Rhiane. Ang lambot ng kama at ang lamig ng aircon ang mas nagpapalala ng kagustuhan niyang matulog. Tiningnan niya ang kapatid sa kabila at nakitang himbing na himbing ito. Paniguradong ganoon din ang mga kaibigan niya.
Bumuntong hininga siya at bumangon. She needs to freshen up first para mas masarap ang tulog.
Tinungo niya ang banyo at nag half bath muna. Pagkatapos ay nagbihis siya ng oversized white shirt at isang itim na cotton shorts. Bumalik siya sa pagkakahiga. Patagilid niyang niyakap ang isang malaking unan tsaka nagtalukbong ng comforter.
