CHAPTER 13
Tahimik lang na pumasok si Alexandra sa faculty room. Tila naninibago siya sa katahimikan ngayon ng mga kaibigan niya.
Naalala niyang malapit na din palang magtapos ang kontrata niya dito sa FIS. Wala na rin siyang choice kundi ang umalis na lang din dito. Wala na siyang kailangan pa dito dahil sapat na sa kanya ang dalawang taong karanasan ng pagiging isang guro. Sapat na para matapos ang kanyang bagong libro.
At kung magkataon ay ang bago niyang libro ang mas-aangat sa lahat ng librong nailathala niya, ito ang magpapakilala ulit sa kanya sa mga mambabasang minahal siya pero hindi na bilang si Annseen na ngayon ay may huwad ng mukha kundi bilang si Alexandra Angela, ang tunay na siya.
Sadya nga sigurong mapaglaro ang tadhana dahil kilala niya pa, kilala ng buong FIS ang nagnakaw ng naging unang pangalan niya. Hindi pa rin siya makapaniwalang si Kyla pala iyon.
["Xandra, halika ipapakilala kita kay Annseen," masiglang saad ni EJ.
Labag man sa kalooban ay sinundan niya pa r
