SUMMER POV:
“Naku, kasumpa-sumpa raw,” ginitgit ko ang asawa ko para makaupo ako sa tabi ni Lolo, nakipagpalit na ako ng upuan pero hinagkan ko muna sa pisngi. Kinuha ko ang tasa ng salabat niya at ininom ko ang kalahati. “Worth it po ang lasa nito. At para hindi kayo mahirapan at mabigla, konti lang muna ang ilalagay ko, one is to one, tapos may asukal.” Nagsasalita ay nagmi-mix na ako ng bagong timpla para sa kanya. Natural sugar ang ginamit ko, walang bad side effect, stevia. Mahal kumpara sa commercial na asukal pero iwas cancer na rin. Yon din ang dinala ko sa bahay ni tatay dahil may pambili na ako. Saka ko iniabot sa kanya. Pinanood ko siyang tikman yon.
“That’s better,” bulalas niya, tumatango at nasisiyahan. Binitiwan ang folder ng kung anong papeles.
Pinisil ng asawa ko ang kamay ko. Tahimik na sinasabing ang galing ko dahil napasunod ko na naman ang lolo niya. Pinatakan ako ng halik sa sentido.
“So, sa weekend, aakyat po ba tayo sa busai?” Todo-ngisi ako. Hinahamon ko t
