"Dahil sa ipinadalang kahon sa bahay ng mga Boraque, naging malaking isyu ito sa lahat—lalo na kina Lejandro at Raquel. Maging ang mga Monteroso ay nakatanggap din ng kahon na ipinadala mismo sa mansyon ng mga Ferman.
Dahil dito, nagpasya ang mga Monteroso na ibenta na lamang ang lupa’t bahay ng mga Ferman. Maging ang Doque Hospital ay isinama na rin sa pagbebenta.
Palihim ang naging paghahanap ng mga Monteroso ng posibleng buyer, hanggang sa isang araw, nakahanap si Erick ng interesadong bibili ng bahay at lupa ng mga Ferman.
Ngunit nanatiling lihim kung sino ang buyer na iyon.
"Gusto kong makita ang mansyon at ang lupa. Hindi kasi bumibili ang boss ko ng lupang walang kasiguraduhang mga papeles," saad ng buyer sa kabilang linya habang kausap si Erick. Ang buyer na iyon ay inirekomenda ng isa sa mga kilalang kakilala ni Erick.
"Sige," sagot ni Erick. "Kasama mo bang pupunta rito ang boss mo?" tanong niya.
"Uhmmmm... pasensiya na, pero walang balak humarap ang boss ko, lal
