“BYE mommy, mag-iingat ka po!”
Masayang paalam ni Celine sa kaniyang ina habang papalabas sila ng kanilang kwarto.
“Oh wait I remember, nakausap ko si tita-ninang mo.”
“T-tita-ninang?” gulat niyang sabi na ikinawala ng malawak na ngiti niya sa kaniyang labi.
Nagsimula nanamang tumibok ng mabilis ang kaniyang puso dahil sa kaba. Ang akala niya ay walang sinabi ang tita-ninang niya at pinagbigyan siya nito dahil na ‘rin walang binabanggit ang kaniyang ina tungkol sa daddy niya.
“Yes, kagabi. Ang sabi niya sa susunod ‘daw mag-iingat ka. Hindi ka nga ‘daw namin hinayaan na masugatan tapos sa ibang tao ka pa magpapasugat.”
Nakahinga siya ng maluwag sa sinabing iyon ng ina. Akala niya ay isinumbong na siya ng kaniyang tita-ninang.
“Hahaha si tita-ninang talaga! Sige na po mommy, baka ma-late ka sa trabaho mo!”
Pagtutulak niya sa ina kaya walang nagawa si Luna kundi ang umalis nalamang.
Ngiting tagumpay si Celine ng bumalik sila sa kanilang kwarto at tinanaw pa sa bintana ang pag-alis ng kot
