Wala sa hinagap ni Alexis na ang gabing iyon ang magiging isa sa mga pinakamasayang gabi ng buhay niya.
Maaga siyang pinauwi ni Ralph. “Just be home by five,” anito habang hinatid siya sa work, tila ba may binabalak. “Promise me, Lex.”
“Okay, okay,” natatawang sagot niya, hindi na nagtaka. Sanay na siya sa mga pa-surprise ng asawa pero hindi kailanman siya nabibigo sa kilig.
Pagsapit ng alas-singko, pagpasok niya sa bahay, agad siyang napahinto.
Patay ang ilaw. Ngunit sa sahig, may mga petals na tila’y bumubuo ng landas — pula’t puting rosas. Kasabay ng malumanay na tugtog ng violin na sumasalubong mula sa bluetooth speakers, may mahihinang fairy lights na nakadikit sa mga gilid ng dingding. Sa mga pader ay may mga polaroid photos nila ni Ralph mula sa fake wedding days hanggang sa candid shots nilang tatlo kasama si Ayesha.
Sa gitna ng sala, may maliit na papel:
“Follow the petals. See you where forever began.”
Napangiti si Alexis. Tila bumalik siya sa panahong hindi pa totoo ang l
