Labag sa loob na sumang-ayon si Cathy. Sakay sa kotse nito ay tinunton nila ang daan diretso sa hospital kung saan nakaconfined si Rheo.
Mabuti at alam na ni Cathy ang room number ni Rheo kaya mabilis lang nila iyong nahanap.
Nasa malayo pa lang ay tanaw na niya ang pigura ng ginang na si Rhesa. Matalim at nag-babaga ang tingin nito sa kanya nang makalapit sila.
"What are you doing here? Ang kapal ng mukha mong magpakita dito."
"Tita . . . "
Hindi niya natuloy ang sasabihin dahil sa may pagbabanta nitong titig. Mula sa glass window ng pintuan ay nakita niya sa loob si Rheo. Parang sinaksak ang puso ni Hashana nang makita ang malalaking tubo na nakakabit sa katawan nito. May life support ang binata at nanatiling tulog.
Tila nawala lahat ng dugo niya sa katawan sa realisasyong nasa kritikal ang kondisyon ni Rheo.
"Ano, masaya ka na ba?"
"Tita,"
"What? Don't you ever call me tita! Naging mabuti ako sa'yo dahil akala ko mabuti kang babae! Ano? Masaya ka na ba ngayon? Una ang anak ko
