Hindi naman makatulog si Liana nang gabing iyon. Pabaling-baling lang siya sa higaan.
Kanina, narinig niya ang kaluskos sa may pinto sa labas kaya alam niyang dumating na si Henry, pero hindi niya ito pinagbuksan. Bahala ang binatang matulog sa labas, kahit pa nga matindi ang pagtutol ng puso niya sa ideyang iyon.
Ilang sandali rin siyang nakiramdam sa labas hanggang sa maging tahimik na doon. Sinubukan niyang ipikit ang mga mata ngunit talagang mailap ang antok sa kanya.
Tulalang napatitig na lang si Liana sa kisame habang ang isip ay na kay Henry.
Ano kayang naisipan nito at nakipag-inuman kina Baldo?
Kilala niya ang binata, hindi ito basta-basta nagtitiwala sa taong hindi nito lubos na kilala gaya noon sa kanya. Alam niya ring may inis pa rin ito kay Baldo dahil sa nangyari ‘nung nakaraan, pero hindi n’ya ngayon maintindihan kung bakit bigla na lang ay nagbago ang binata.
Sinulyapan niya ang nakapinid na pinto ng silid.
Tulog na kaya ito? Tanong niya sa sarili.
Kung ano-an
