Chapter 4

Narinig ni Asha na may nag doorbell kaya agad siyang tumayo at pinuntahan ang pinto.

Pagkabukas ay agad niyang nakita si Jill na nakasuot ng all black attire.

"Hi Ash good morning, ano tara na?" bati ni Jill sa kanya. "Hello, good morning," bati rin ni Asha at agad kinuha ang maleta niya.

"Daan muna tayo sa grocery store, bibili ako ng chocolates," sabi ni Asha bago lumabas ng unit niya at isinarado ang pinto.

"Sure, bibili rin ako ng pang snack natin," masiglang turan ni Jill.

Naglalakad na sila papunta ng elevator at kada taong madadaanan nila ay napapatingin kay Jill.

Naka bad girl attire kasi ito taliwas sa mukha nitong mukhang anghel. Makulit at madaldal ito na parang hindi napapagod kakasalita.

Ikinawit ni Jill ang isang kamay nito sa braso ni Asha habang naglalakad sila. "Ash nabalitaan mo ba yung tungkol sa hiwalayan nila kuya Rowan at ni Natalie?" tanong nito kay Asha.

Tumango lang si Asha sa sinabi nito, "Grabe Ash kawawa naman si kuya Rowan mukha pa namang seryoso talaga siya sa babaeng iyon pero iniwan na lang siya basta basta," nakanguso nitong sabi.

Hindi tanggap ni Asha na tawaging kawawa ang kaibigan dahil kahit kailan ay hindi ito magiging kawawa sa nangyari, "Hindi siya kawawa Jill, ang babae ang kawawa dahil hindi niya ginamit ang utak niya," walang emsyong sabi ni Asha.

Agad na silang pumasok sa elevator. "Sabagay, okay na rin na naghiwalay sila kasi hindi nararapat sa babaeng iyon si kuya Rowan. I hope na okay lang siya," sabi ni Jill.

Tahimik lang si Asha at hindi na sumagot. Nang makalabas ay agad na silang sumakay sa kotse ni Jill dahil ito na ang gagamitin nila papuntang Rizal Province. 

Agad inilagay ni Asha ang maleta sa back compartment ng kotse saka pumasok na agad sa loob. Si Jill na ang nagmaneho papunta sa malapit na grocery store para bumili ng chocolates.

Agad na silang pumasok sa loob ng grocery store at napapatingin sa gawi nila ang mga tao roon. Hindi sanay si Asha na pinagtitinginan siya at nakalimutan niya pang dalhin ang cap niya samantalang si Jill naman ay walang pakialam sa mga nakatingin dito.

Kumuha na lang agad si Asha ng chocolates at dinamihan na saka nagtungo papunta sa dulong parte ng grocery store para kumuha ng gatas.

Hindi sinasadyang makabangga si Asha ng lalaki. "Sorry," agad na paumanhin ng lalaki. Hindi sumagot si Asha dahil naaamoy niya mula sa lalaki ang dugo na mukha pang sariwa. 

"Sorry, hindi kasi ako tumitingin sa dinadaanan ko," sabi ni Asha at pasimpleng nilagay ang isang earpiece niya sa bulsa ng pantalon nito. Hindi na sumagot ang lalaki. 

Agad ng tumalikod ang lalaki at nagmamadaling binayaran ang pinamili nito at patakbong umalis.

Asha is suspicious about the guy smell like fresh blood, mukhang may hindi tama sa lalaking iyon lalo na ng makita niya ang maliliit na hiwa o kalmot sa kamay nito ng makabangga niya.

"Hey Ash, are you okay?" tanong ni Jill na agad lumapit sa kanya ng makitang nakatitig pa rin siya sa pintong nilabasan ng lalaking iyon.

"Just suspecting something," maikling sagot ni Asha at agad ng kumuha ng gatas. "Should we report that?" tanong ni Jill na mukhang hindi napansin ang lalaking nakabangga ni Asha.

"Don't worry about it, ako na bahala," sabi ni Asha at agad ng nagtungo sa casher area para magbayad.

Nang makalabas ay agad kinuha ni Asha ang telepono sa kanyang bulsa at tinipa ang numero ng kaibigan niya.

"Hello tech team, find the location of my right earpiece. I put it on someone's pocket because the guy smells like fresh blood," agad na imporma ni Asha.

"Sure, I already got the location. Magpapadala agad ako ng team sa location ng earpiece mo," agad na sagot ng babaeng nasa kabilang linya.

"Thanks," sabi ni Asha at agad ng pinatay ang tawag saka agad sumakay sa kotse.

"Ano bang nangyari?" naguguluhang tanong ni Jill nang makasakay ito at agad pinaandar ang kotse.

"May nakabangga kasi akong lalaki na amoy dugo at base sa obserbasyon ko sa kanya mukha namang wala siyang malaking sugat bukod doon sa maliliit na kalmot sa kamay niya," sabi ni Asha.

Hindi lahat ng kakasalubong o nakakasalmuha mo ay matinong tao, yun ang laging nasa isipan ni Asha kaya laging on guard siya para hindi mapahamak.

"Oh... kaya pala parang may something sa lalaki iyon. Parang aligaga," sabi ni Jill. Hindi na sumagot si Asha.

"Pagdating natin sa Rizal punta tayo sa Hinulugang taktak waterfalls, maganda raw kasi doon at malinis ang tubig," masiglang turan ni Jill habang nagmamaneho.

Si Jill ang tipo ng tao na kahit ano ang pagdaanan niya ay parang hindi nawawalan na positivity sa katawan. Nagagawang ngumiti at masigla pa rin siya.

"Sure, we can go there with Drake's grandma," sabi ni Asha at napangiti ng maalala ang matanda.

Mahigit isang taon na rin niyang hindi ito nakikita.

"We can try different foods too, I'm so excited!" natutuwang sabi ni Jill.

Asha just smiled and hoping for a great vacation in province with Jill and Drake's grandmother.

Nang makarating sa HQ ay dumaan sila isang sementadong sahig at itinigil doon ang sasakyan. Maya maya pa ay may lumabas na blue laser para i-scan ang kotse nila pati na rin ang taong nakasakay loob nito.

Nang ma-verify na ay biglang gumalaw ang sahig at bumaba ito sa mismong gate ng HQ. Underground ang HQ nila para maitago ito sa mga kalaban. Kapag lalabas naman ay sa secret tunnel sila dumadaan.

Agad na silang lumabas ng kotse at binitbit ni Asha ang isang supot ng chocolates para kay Rowan. 

"Punta muna ako kay headman, tawagan mo na lang ako pag-aalis na tayo," sabi ni Jill at tumango lang si Asha.

Nauna na itong maglakad at nagtungo sa office ng headman nila.

Agad na niyang tinungo ang Recovery room pero wala roon si Lexi at Rowan kaya nilapitan niya ang nurse doon.

"Nasaan si Rowan?" tanong ni Asha sa babae. "Ma'am nandoon po yata sa gym," sabi nito sa kanya. Nagpasalamat si Asha at agad ng umalis patungo sa gym. 

Nakasalubong niya pa si Gael na pawis na pawis lumapit ito sa kanya at inakbayan siya. "Hi Ash, kumusta na? Tagal na kitang hindi nakita ah," bati nito sa kanya. Napaikot naman ng mata si Asha.

"Malamang wala rito ng ilang buwan eh kaya hindi mo talaga ako makikita kahit anino ko," walang emosyong sabi ni Asha na ikinatawa naman ni Gael.

"Bakit ang sungit mo sa akin?" nagtatampong tanong nito kay Asha at ngumuso pa. "Ang baho mo kasi," masungit na sabi ni Asha at tinanggal ang pagkakaakbay nito sa kanya.

Napatigil si Gael sa paglalakad, "Wala na ba talaga akong pag-asa Asha?" tanong ni Gael na ikinatigil naman sa paglalakad ni Asha.

Tinatanong nito ang tungkol sa matagal na nitong panliligaw sa kanya, pero hanggang kaibigan lang talaga ang kaya niya.

Wala siyang balak pumasok sa isang relasyon.

"No Gael, wala talaga," sabi ni Asha ng hindi man lang nililingon ang direksyon ni Gael sana nagpatuloy sa paglalakad patungo ng gym.

Maraming beses na natinggihan ni Asha si Gael pero hindi pa rin tumigil ang binata. Pero sa pagkakataong ito, sign na ito na itigil na niya ang panliligaw sa dalaga.

   Kahit nasasaktan siya ay pipilitin niyang mawala ang nararamdaman niya para kay Asha.