Chapter 9

 

What is Love?

The smile that can never grow old

 

Unlike my previous christmas break, hindi gaanong kaboring ang naging mga araw ko pagkatapos ng pasko. Dahil busy si Papa sa munisipyo at may inaasikasong business si Tita Eleanor ay kami ng mga kapatid ko ang naiwan sa bahay. Tanghali na akong nagising kanina kaya paglabas ko ng kwarto kanina ay wala na agad sila.

Nakakatuwa dahil matapos ang pasko ay madalas na kaming nakakapag-usap ni Papa at ni Tita Eleanor. Parang normal lang na mag-anak na nawalay lang dahil may nagtrabaho sa ibang bansa.

Ayos na ang lahat, sa tingin ko. Wala masyadong nangyayari maliban sa madalang na pagtawag ni Dessa dahil mahina daw ang signal sa probinsiya nila. Sinabi kong okay lang din naman dahil oras niya talaga iyon kasama ang kaniyang pamilya. Siguro ay iniisip niyang magiging katulad na naman ng mga kadramahan ko last year ang mangyayari ngayon pero sinigurado ko sa kaniyang ayos na talaga ako ngayon.

Hindi nga din ako makapaniwala.