Kabanata 34

"Ano'ng kurso ang kinuha mo?"

"Educ. Major in Filipino."

"Ha? Educ? Bakit? Eh, ang dali-dali lang naman 'yon, eh. Magre-report ka lang tapos magsasalita ng tagalog."

Nagpanting ang tenga ko nang marinig ko iyong dalawang freshmen na nag-uusap sa labas ng CTE building. Pansin ko naman na napahinto rin si Anna nang marinig niya iyon. Nagkatinginan kami at kitang kita ko sa kanyang mukha na hindi siya natuwa roon sa sinabi ng babaeng naka-pulang top. 

"Mich, pigilan mo 'ko. Parang gusto kong hampasin 'yong babaitang iyon."

I chuckled. "Sige lang. Hindi kita pipigilan. I-che-cheer pa kita."

Umirap siya sa akin at akmang lalapitan na sana iyong dalawang babae pero pinigilan ko siya. Seriously?!

"Nababaliw ka na ba? Gagawin mo talaga 'yon?!"

Kitang kita ko sa kanyang itsura na napikon siya. Umiling ako at hinawakan ko ang kamay niya kasi mukhang gagawin niya talaga. Ewan ko rin sa babaeng iyon. Akala niya ata madali lang