Kabanata 15

Hindi ko inaasahang makikita ko siya rito! At hindi ko rin inaasahang uuwi rin agad talaga siya! Akala ko puro salita lang siya ng sabihin niya ang mga katagang sinabi niya sa akin non'g nakaraan. Ngayon ko lang talaga napatunayan na totoo talaga siya sa sinasabi niya. Hindi ko mapigilang maramdaman ang tuwa.

Hindi ko namalayan na lumapit na rin pala siya sa may counter. Alam kong pansin at kita na niya ako pero hindi niya muna ako hinarap, bagkus humingi muna siya ng maiinom sa bartender saka laang ako nilingon at nginitian. 

"Hi." simpleng pagbati niya lang sa akin iyon, ngunit parang hihimatayin na ako sa kilig. Hindi pa rin talaga ako makapaniwala na susundan niya ako dito sa Palawan! 

Hindi naman ako nakasagot agad at nangapa pa ako ng sasabihin! Halatang balisa sa presensya niya. Masyado mo akong pinapahulog sa'yo Zadiel.

"H-i. Ka-ilan ka pa dumating?" titig ko pa ring tanong sa kaniya.