Chapter 7

Lilly Hunter

"Dinaig ko pa si Sleeping Beauty! Kung siya ay natutulog, ako naman ay nagpapatulog gamit ang aking mahiwagang halik kaya tuloy hindi ako magkaroon ng lovelife, e. Ayaw ko nang ganito! Gusto kong mabuhay nang normal!" sigaw ni Lilly sa rooftop ng kaniyang pinapasukang eskuwelahan.

---

Nagsimula ang lahat noong mayroon siyang tinulungang matandang babae noong anim na taon pa lang siya.

Inutusan siya noon ng kaniyang ina na dalhin ang nilutong pagkain nito sa kaniyang lola na nasa kabilang ibayo pa. Kailangan niyang bagtasin ang kagubatan bago siya makarating sa lugar ng lola niya.

Habang tinatahak niya ang loob ng kagubatan ay mayroon siyang natagpuang matandang babae na nakahandusay sa daan kaya naman dali-dali niya itong tinulungan.

"Lola, ano pong nangyari sa inyo?" tanong niya rito nang magkaroon ito ng malay.

"Pasensiya ka na, ineng, isang linggo na kasi akong hindi kumakain, e, kaya heto n