Chapter 92

I smiled and nodded. Bagama't may punto ang sinabi ni Ms. Ybañez ay hindi ko pa rin maiwasan na bumigat ang aking puso.

"Everyone, stop!" Lahat kami ay napatigil dahil sa narinig naming sigaw ni Amira. Ang sunod na nangyari ay nagsidatingan ang walong lalaki na humarang sa aming daan. Kaming lahat ay napaatras at mapang-obserbang tiningnan ang paligid, sinisiguro na wala nang ibang kalaban na darating.

"Ms. Shianna, hinahanap ka ni Sir Judas." pahayag ng isa sa walong lalaki. "Mas mabuti kung sumama ka na lamang sa amin."

"Shianna..." bulong ni Ms. Ybañez. "Run with the kids."

Nilingon ako ni Amira at tinanguan ako. Tipid siyang ngumiti at saglit na hinaplos ang ulo ni Darius na nasa kan'yang likuran.

"Go, Shianna," usal niya at banayad na sinipat ang mga bata. "Kami na ang bahala."

"Salamat." Marahan akong ngumiti at hinarap si Ms. Ybañez. At natigilan ako nang bigla niya akong niyakap.

"Anais," usal niya. "Anais Leiah Ybañez ang pangalan ko."

"Anais Leiah," usal ko. Nilapitan ko ang