Chapter 77

Pagkauwi ko sa bahay ay agad akong sinalubong ni Silas. Hindi ko na siya masyadong nakausap pa dahil antok na antok na rin talaga ako kaya diretso akong nahiga sa kama nang hindi man lang nagpapalit ng damit.

"Bukas na lang ako magpapalit," bulong ko bago maramdaman ang antok at unti-unti nang nagsara ang mata ko.

Nagising ako matapos maramdaman ang paglubog ng aking kama.

Pagmulat ko ng aking mga mata ay nagsalubong ang aking kilay matapos makita na sobrang lapit ng mukha ni Silas.

Mabilis ko namang nilayo ang mukha ko at bumangon.

"Magandang umaga," ngiting bati niya.

"Good morning too," bati ko rin dito at saka nagpasiyang maligo na at magpalit ng damit para presko.

Paglabas ko ng banyo ay agad ulit na bumungad sa akin si Silas na nakangiti kaya napahagikgik na lang ako at saka tumingkayad para maabot ang kaniyang buhok at. inayos ito.

Napansin ko na na-estatwa siya kaya natigilan naman ako sa aking ginagawa.

"Are you okay?" I asked to him.

"Keep doing that to me," he said and poin