MULING HUMIGA si Alyson sa kama. Naburo ang mga mata niya sa kisame. Ilang sandali pa ay nilingon niya na ang kaibigan ng mayroon siyang biglang naalala. “Ikaw pala, Rowan? Gutom ka ba? Baka gutom ka. May leftover pa—”Mabilis umiling si Rowan. Iginala na ang mga mata sa palibot ng silid. “Sorry ah, ito ang unang beses na nakapunta ka dito sa bahay tapos ang inabutan mo pa ay kaguluhan. Busy kasi ako before, alam mo na sa work doon sa company ni Kevin. I’m just on vacation leave for a few days. Correction, sick leave pala ‘yun.”“Ayos lang, Girl. Mukha rin namang wala kang planong papuntahin ako dito kung walang nangyaring ganito.”Ngumisi na si Alyson. Hinarap na ang kaibigan. Alam niya ang tono ng pagtatampo nito. Iyon ang napansin ni Alyson sa timbre na ng boses nito.“Saka bakit ka naka-sick leave? Ano bang nangyari sa’yo? Nag-check up ka na? Baka kung ano na iyan.”Umiling si Alyson. “Hindi na kailangan iyon, masama lang talaga ang pakiramdam ko.”Walang plano si Alyson na sab
KAKABABA LANG NI Geoff ng hagdan galing sa silid at nagpalit ng damit nang makita niya si Alyson at ang kaibigan nitong papalabas na ng pintuan. Mukhang aalis na ang kaibigan nito ni hindi pa sila pormal na nagkakakilala. Nagmamadali ang mga hakbang ni Geoff, umaasa na maabutan ang dalawa ganunpaman ay hindi niya pa rin inabutan ang magkaibigan. Nakalabas na sila ng gate nang makalabas si Geoffrey ng pintuan. “See you tomorrow, Alyson. Matulog ka na. Huwag ka ng mag-overthink. Magkita tayo bukas.” “Oo na, daming bilin, sakay na. Mag-iingat ka sa pagmamaneho. Huwag masyadong mabilis. Wala ka sa karera ha? Huwag ka 'ring overtake nang overtake. Matuto kang maghintay sa traffic lights!” Tumawa lang si Rowan na pumasok na sa loob ng sasakyan. Sinuot na ang seatbelt. Binaba ang salamin ng bintana para sumilip kay Alyson. “Pumasok ka na sa loob, Alyson. Mahamog. Baka mamaya niyan sumama niyan ang pakiramdam mo. Alalahanin mo, may laban ka pa bukas na haharapin. Di pa tapos ang laha
BLANGKONG NAKATINGIN lang si Geoff sa mukha ni Loraine. Sa mga sandaling iyon ay wala siyang ibang maramdaman kung kaya wala rin siyang kahit na anong expression na makikita sa kanyang mukha. Nagsimula ng mamula ang mga mata ni Loraine habang nakatingin pa rin sa blangkong mukha ng kaharap na lalake. Walang pakundangan ng pumatak ang mga luhang kanina pa pilit na pinapalabas ni Loraine. Naging madali lang na gawin iyon ni Loraine dahil sa emosyon ng kanyang pagbubuntis. “Babe, maniwala ka naman sa akin. Wala akong kinalaman sa kung anong nangyari diyan sa loob ng bahay niyo at sa kung anong ginawa ni Manang Sylvia kay Alyson. Wala akong alam.” hinaplos-haplos pa ni Loraine ang magkabilang pisngi ni Geoff, pilit na hinuhuli ang paningin ng lalake upang kunin ang buong atensyon nito. Nag-panic na si Loraine nang makita niyang umiiwas ng tingin si Geoff at wala ni isang emosyon na mababasa ang rumehistro sa mukha niya. Para siyang nakatingin sa ibang tao na ngayon lang niya nakita at
PARANG PINIPIGA SA sakit ang puso ni Alyson habang nakadungaw sa balcony. Makailang beses na namuo ang kanyang mga luha ngunit agad niyang pinapalis. Mula kasi roon sa tinatayuan niya ay tanaw na tanaw niya ang bulto ng dalawang tao na magkayakap. Kahit na malayo, kilala niya ang tindig ni Geoff. Hindi man niya isipin, pero alam niyang si Loraine ang kayakap nito ngayon. Ilang beses siyang huminga nang malalim, sa mga nangyari ngayong gabi ayaw na niyang dagdagan pa ang stress niya. Nagkukumahog siyang bumaba ng hagdan, hindi niya mapigilang sumugod kahit na anong pagpipigil ang gawin niya lalo pa nang pumitik sa kanyang isipan ang pagiging magkasabwat nila ni Manang Sylvia. Kailangan niyang makaganti!’No, Alyson. Pigilan mo ang sarili mo. Huwag kang susugod. Baka mapahamak ang baby mo at ang baby niya kapag ginulpi mo siya. Tama na ang stress, please tama na. Kalamayin mo ang sarili.’Nasa may main door na siya ng bahay, akmang palabas na nang biglang matigilan, umikot siya para b
“Bro?” tapik ni Grayson sa isang balikat ni Geoff nang makarating sa upuan nito. Inilahad nito ang nakatiklop na kamao para makipag-fist bump sa kaibigan. “Kanina ka pa? Sorry, I'm a bit late.” Si Grayson ay ang isa sa best friend ni Geoff na kakabalik lang ng bansa. Ilang araw na ang nakalipas nang malaman niyang bumalik ang binata. Ilang araw na rin nitong kinukulit si Geoff na makipagkita sa kanya upang uminom pero dahil sa trabaho at problema, ngayon nga ay napilitan na siyang pagbigyan ang kaibigan. “Medyo, Bro.” harap dito ni Geoff matapos sairin ang laman ng hawak na shot glass, iniumang ang fist niya sa kaibigan. “Kumusta ka na?” “Heto, nakikita mo naman, pogi pa rin.” wika ng kaibigan matapos tumawa ng buo at maupo na sa tabi ni Geoff. “Mukha kang problemado, ah?” Open si Geoff sa mga nangyayari sa buhay niya sa kaibigan. Alam nito ang lahat ng mga ganap, ultimong ang nangyaring kaguluhan sa bahay nila about Alyson ay nabanggit rin kay Grayson. “Ibig mong sabihin an
ILANG ARAW PA ANG lumipas bago tuluyang nagdesisyon si Alyson na bumalik sa trabaho. Malakas na siya. Okay na ang pakiramdam niya. Napalitan na ang mga maid mula sa mansion ng ni Don Gonzalo Carreon. Ang mga maid naman na nakasama ni Manang Sylvia ay naibalik na sa mansion ng mga Carreon. Hindi inilihim ni Geoff ang ginawa ni Manang Sylvia at ng iba pa pero hindi na lang niya binanggit na si Loraine ang utak at kasabwat nila sa gulo. Nagawa nilang ayusin iyon bago bumalik sa trabaho ang mag-asawa. “Sumabay ka na sa akin, Alyson. Ihahatid na kita.” “Hindi na kailangan, Geoff. Mag-aabang na lang ako ng taxi sa labas. Siguro naman ay may mga dadaan diyan.” tahasang pagtanggi ni Alyson, naalala ang huling gulong ginawa nito sa trabaho niya. Malamang ay usap-usapan pa rin ang lahat ng ito doon lalo kapag si Roxan ang magbubukas. “Ang imposible naman kung walang magagawi.” “Sigurado ka?” “Oo naman.” “Bakit hindi ka na lang mag-drive ng isa sa aking mga sasakyan na nasa garahe? Pili ka
PAGPASOK SA BUILDING ay dire-diretso na nagtungo si Alyson sa opisina ni Kevin. Hindi pinansin ang mga mapanghusgang mga mata na nakasunod sa kanya pagpasok pa lang. Wala siyang pakialam kung ano ang iisipin ng mga kasamahan niya sa trabaho sa pagbabalik niya. “Welcome back, Alyson!” masiglang bati ni Kevin na nasa office na ng mga sandaling iyon, tumayo pa ito upang yakapin ang babae na ginantihan naman ni Alyson. “How is your bed rest? Sulit naman ba ha? Nakapahinga ka ba ng maayos?” Hindi na nai-kwento ni Alyson kay Kevin ang tungkol sa nangyari sa kanila ng mga maid. Sure siya na mag-aalala lang ito, isa pa hindi rin nito alam na doon siya nakatira. Masasabon siya ng kaibigan oras na malaman iyon. Huwag lang talaga na magkakamaling banggitin ni Rowan ang bagay na iyon kay Kevin. Nakalimutan niya pa namang pagsabihan si Rowan na kailangan niyang ilihim ito sa lalake at hindi na ipaalam pa. Mamaya ay tatawagan niya ang kaibigan upang sabihin iyon. Ayaw niyang paulit-ulit mag-exp
HARAP-HARAPANG UMISMID si Alyson at pinaikot ang mga mata kahit pa nakita iyon ng mga ka-trabaho nila. Humalukipkip din siya. Bakit? Si Roxan lang ba ang may karapatang gumanun? Humarap na rin siya kay Roxan na ginawang pamaypay ng gaga ang envelope na hawak. “Secretary Roxan, bakit ko naman sisirain ang project na 'yun? Hindi mo naman ako kagaya na mahilig manira ng gawa ng iba at magpahamak ng mga kasama. As long as hindi mo rin ako ipinapahamak, o wala kang kahit anong masamang ginagawa sa akin. Asahan mong nasa likod mo lang ako, nakatayo. Sinusuportahan ka.”“Aba, at nagbakasyon ka lang ng ilang araw ay natuto ka ng sumagot-sagot ng harapan sa akin. Ano bang ipinagmamalaki mo? Mayabang ka na porket nakatikim ako ng suspension, ha? Iba ka rin, Alyson!” agad na pag-iinit ng ulo rito ni Roxan.“Oops, tingnan mo na? Ang init agad ng ulo mo. Ano bang laman niyan? Puro usok? Ang bilis mo namang magliyab. Wala pa akong ibang ginagawa at sinasabi niyan ha? Sinasagot ko lang naman ang mg