Chapter 40

MAAGAP na inalalayan nina Paul si Agatha upang makababa ng kabayo. Panay ang sulyap ni Khevin sa magandang mukha ng heredera. Ewan niya, pero tila nakadarama siya ng inggit sa bawat paghawak-hawak ng mga bodyguard nito. Hindi niya maikakaila na piling-pili ang mga escort nito. Gwapo at simpatiko, na tiyak na magaling din sa martial arts at paghawak ng baril na tila larawan ng Mafia Gangster. Dapat niya bang ipagtaka? Mataas ang standard ni Agatha Mondragon, masyadong maarte ngunit palaban ang pagiging aristokrata nito.

"Ipaghain n'yo na si Mister Tolentino-" utos nito sa mga katulong, saka bahagya lang siyang sinulyapan at naglakad na patungo sa silid nito sa ikalawang palapag kasunod ang ilang kasambahay. Mas maarte pa ito ng doble sa nobya niyang si Cassey.

Napabuntong-hininga si Khevin, ngayon niya lang napagtanto na mas nagugustuhan niya pala ang simpleng babae. Naaakit lang pala siya ng ganda at karisma ngunit huli sa listahan na naising makasama habang-buhay ang gaya nina Casse