Chapter Twenty One: The Devil in the Palace

Pinalis ni Thera ang luha sa mga mata. Hindi niya kilala ang lalaki pero mukhang kailangan nga nito ang tulong niya.

“My car broke down few meters away from here. You can see it from here. There!” Itinuro nito ang isang pulang kotse sa bandang likuran niya. Naka-hazard signal habang nakaparada sa gilid ng kalsada.

“S-saan ka ba papunta?”

“Sa Pangasinan, Miss. May a-attend-an akong seminar bukas ng umaga. Puwede ba akong makisabay?”

Nag-hesitate si Thera. Maraming modus sa kalye, hihingi ng tulong kunwari nasiraan ng sasakyan pero iyon pala kidnapper, carnapper, o rapist. Pero hindi naman niya maaatim na basta na lang itong iwan, mas malamig ang temperatura ng Baguio dahil sa bagyo.

“Ibababa kita sa Pangasinan,” sa wakas ay sabi niya.

Nagliwanag ang mukha ng lalaki, agad tumalima para sumakay sa kotse.