Chapter 14

Chapter Fourteen

UMIILING na binalikan ni Ms. Adams si River. Hindi mawari kung ano’ng klaseng reaksyon mayroon sa mukha nito.

"She's hopeless, River. Your new girl is disastrous!"

"I told you she's not my girl." Inis na hinila ni River ang kamay niya. Sa kalooban ni Maris ay nagtagumpay siya.

Isang oras na sila sa boutique na iyon na nasa isang sikat na mall sa Makati. Pinasukat sa kanya ni Ms. Adams ang mga damit na maaaring bumagay sa kanya. Pero sinadya niyang mali-maliin ang pagsuot sa mga designer clothes. Nandiyan na baliktarin niya, isuot sa paa ang manggas, ilagay ang zipper sa harap, gawing head band and belt at maging mga sapatos ay hindi bumabagay sa ayos niya. May isa pa ngang muntik niyang masira. Kaya nakulitan at sinukuan na siya ni Ms. Adams.

Tantiya niya ay matanda lamang ng ilang taon ang may-ari ng boutique kay River. At dahil sa kunsumisyon sa pagdating nila, mukhang mas lalo itong tumanda.

<