Chapter 51

"Kumusta naman kayo ni Vincent?" pagbubukas ni Lalaine nang usapan.

Sila lang dalawa ni Romana ang magkasama. Nagpaalam ang dalawang lalaki na aalis para mamingwit ng isda para raw pagkain nila mamayang gabi.

Nasa cabin sila habang umiinom ng wine. Mas maganda iyon para mabilis malasing ang babae. Mas madali niyang maisagawa ang kaniyang mga plano.

"Okay naman kami. We are planning to have a baby na."

Mapait na napangiti si Lalaine pagkarinig sa sinabi nito. Muli niyang naalala ang kaniyang anak na namatay.

"Kayo ni Roman? Wala pa ba kayong plano na magpakasal o bumuo ng pamilya? You know ... Hindi na kasi pabata ang kapatid ko. Gusto ko rin naman makita ang mga magiging anak niya."

"Hinihintay ko lang na si Roman ang magbukas ng topic na 'yan. Nakakahiya naman kasi kung ako ang mag-initiate, 'di ba? Paano kung hindi naman pala ako ang gusto niyang makasama for the rest of his life?" tugon niya kahit ang totoo ay wala naman talaga siyang balak na pakasalan ang lalaki.

Mabait si Roma