Chapter 37

“Pagbukas ko ng pintuan ay mabilis akong yumuko, sakto naman ang pagdaan ng isang bagay sa bandang ulunan ko kaya ang noo ng kakambal kong si Winter ang sumalo ng bagay na ‘yun. Lumapad ang ngiti ko ng makita ko na hindi na maipinta ang mukha ni Winter habang may nakadikit na dart sucker silicon sa gitna ng noo nito. Inaasahan ko na kasi na ito ang sasalubong sa amin kaya nakahanda na ako.

Ang sunod na ginawa ko ay inangat ko ang aking paa na para bang may iniiwasan na bagay sa sahig, nang mapansin ito ni Winter ay ginaya na niya ako ngunit nakalimutan nitong iangat ang isang paa kaya mabilis akong umikot sa sahig palayo kay Winter. At tulad ng inaasahan ko ay isang paper plate na puno ng icing ang tumilapon sa mukha ni Winter na siyang ikinatawa ko. Habang ang mukha ng aking kakambal ay halos hindi na makita dahil natatakpan na ito ng makapal na icing.

Naging seryoso na ang mukha ko at tumikhim muna ako bago magsalita.” Atent...tion!” Ani ko sa matigas na boses, si Winter naman ay n