“Wala pa din hanggang ngayon. Sa oras na mahuli ang taong nagnakaw kay Ethan, magbabayad siya ng malaki. Matindi ang traumang naranasan ng buong pamilya namin dahil sa ginawa niya. Walang kapatawaran ang ginawa nilang kalupitan sa apo ko.”“Hindi po tumitigil ang taong inutusan natin upang mangalap ng impormasyon. Madam, sasabihin ko po ba kay Sir Ethan na si Hanna ang babaeng hinahanap niya?”“Hindi na, malalaman din naman niyang tiyak. At ayokong malaman niya na nag-uusap tayo at kumukuha ako sa’yo ng impormasyon. Kilala mo naman ang apo ko, ayaw ng pinapakialaman. Gusto ko lang na matiyak na maayos ang kanyang kalagayan.”“Makakaasa po kayo na mababantayan pong mabuti si Sir Ethan.”“Ang babaeng naaksidente sa labas ng kumpanya. May kinalaman ba siya sa nawawalang malaking halaga?”“Yes po. Siya po ang head ng Accounting Department. At mukhang dahil hindi na siya makakapagsalita kaya kasama na niyang mababaon kung may iba pang sangkot sa pagnanakaw kung mayroon man.”“Tiyak na may
Naging mailap ang mata ng babae. “Nagkasundo ang daddy ko at si Ethan na magpakasal kami. Kaso dahil sa kagagahan ko nasira ang usapan nila. Nagalit ang daddy ko sa akin. Hanggang ngayon ay hindi ako kinakausap. Para magkabati kami, kailangang magkabalikan kami ni Ethan. Kaya parang awa mo na, kailangan ko ng tulong mo.”“Hindi mo naman sinagot ang tanong ko. Gusto mo ba si Ethan? Mahal mo ba siya?”“Sino ba naman ang tatanggi sa nag-iisang tagapagmana ng mga Rodriguez. Wala naman hindi ba? Buhay reyna ako kapag nagkataon.”Hindi na siya nangulit. Mukhang hindi nito gustong sagutin ang kanyang tanong ng deretso.“Pero may isa tayong kalaban. Ang first love niya.”Nakuha muli ni Cali ang kanyang atensyon. “Sino ang first love niya?”Kinuha ng babae ang cellphone. “Isang magaling na chef na may chain of restaurants sa ibang bansa. Eto ang social media account niya. Casey Villareal.”Ipinakita ni Cali sa kanya ang larawan ng magandang babae. Gumapang ang panibugho sa kanyang puso. May pi
Sa imahinasyon lamang niya kayang sabihin ang kanyang damdamin. Nanatili siyang nakatitig kay Ethan. Hindi niya kayang aminin ang nararamdaman kahit pa nagsusumigaw na ang mga letra sa kanyang utak. Hindi niya kayang ipagtapat ang pag-ibig dito. Hindi! Hindi naman pag-ibig ang kanyang nararamdaman. Baka madalas niya itong kasama kaya akala niya ay in-love na siya.Pinili niyang kimkimin ang niloloob. Nagmamadali siyang tumakbo palabas bago sumabog ang dibdib.“Boss, hahabulin ko po ba?” tanong ni George.Umiling ang binata. “Hayaan mo siya.”Nagpunta siya sa rooftop. Sumigaw siya ng malakas at nagmura. “Putang-ina! Aaaaahhhhhhh!”Sinabunutan niya ang sarili. Huli na para mapansin na may ibang tao pala bukod sa kanya. Si Lucas. Namula siya sa kahihiyan.“Pasensya na po sa ingay.”“I do the same. Kapag wala akong mapagsabihan ng galit ko ay sumisigaw din ako sa at nagmumura dito sa rooftop.”“Sino ba ang kaaway mo? Huhulaan ko, si Ethan?”Tumalikod na siya. Alam niyang masamang tao ito
Maluwang ang kalsada, may ilan silang nakakasalubong na sasakyan. Hindi na makontrol ni Ethan ang manibela. May malaking truck na padating. Muntik na siyang tumilapon ng kabigin ng binata ang manibela upang umiwas sa mga sasakyan. Wala ng ibang pagpipilian kundi ang ibangga ang kotse sa isang puno o poste na walang tao o ibang masasaktan.“Hanna, magtiwala ka. Ipikit mo ang mga mata mo. Sapilitan kong ihihinto ang kotse. Huwag kang matakot. Okay? Trust me.”“Sige, nagtitiwala ako sa’yo.” Kahit pa ang totoo ay matindi ang kanyang takot. Ipinikit na niya ang mga mata at umusal ng panalangin para sa kaligtasan nila ni Ethan.Napakapit siya ng mahigpit sa upuan. Naramdaman niya ang malakas na impact ng pagtama ng kanilang sasakyan sa isang puno.Idinilat niya ang mga mata. Umuusok ang unahang bahagi ng kotse. Maayos ang kanyang lagay maliban sa galos sa braso na natamaan ng nabasag na windshield. Kahit medyo hilo ay niyugyog niya ang balikat ng binata. Ngunit wala itong malay. Inalis niya
Kinabukasan ay nakalabas na ng ospital at nakauwi na si Ethan sa mansyon. Mag-uumpisa siyang mag-work from home bukas. Kailangan niyang lubusang magpagaling ngunit ayaw naman niyang magpaawat sa trabaho.Nahulog siya sa malalim na pag-iisip. Nanaginip na naman siya kagabi. At wala namang bago doon. Madalas siyang dalawin ng pait ng nakaraan. Napagkamalan pa niya na si Hanna ang babaeng hinahanap niya. Parehas kasi si Hanna at ang bayarang babae ng sinabi ng managinip siya ng gabing iyon. Eksaktong salita at kung paano nito tinapik at hinagod ang kanyang likod to comfort him. Ganoon yata lahat ng babae. Ang bayarang babae ang kauna-unahang tao na nakatabi niya sa kama dahil sa kalasingan at hindi niya maipaliwanag ang atraksyon dito. Nanaginip siya at ginising nito. Napayapa nito ang magulong utak at damdamin niya lalo ng maamoy niya ang pabango nito. Matagal niyang niyakap ang babae at naganap nga ang pag-angkin niya dito. Ito lamang ang babaeng hinawakan niya ang katawan. Apat na bes
Bakit ba kasi dinakma niya ang pagkalalaki nito? Umatras siya ngunit sumunod ang binata sa kanya.May tindahan ang lola niya dati at hindi siya pinapapasok dahil nga malas daw ang taong may balat sa puwet. Kaya naman itinatago niya itong mabuti. Negosyante si Ethan at ang pamilya nito. Baka naniniwala ang mga ito sa ganoong pamahiin. Baka putulin nito ang kontrata kapag nakita ang kanyang lihim. At isa pa ay nakakahiya ang tila dumi sa kanyang balat.Itinalikod siya ng binata. Hinawi nito ang kanyang basang buhok. Pinaliguan nito ng halik ang kanyang leeg.“Nasaan ang pabango mo?” Agad siya dumistansya dito at kinuha ang pabango sa bag. Adik nga ang amo niya sa pabango. Kahit noong gabing unang beses na may nangyari sa kanila ay hindi ito lumayo sa kanya. Pero nakakapagtaka lamang dahil nagsiping sila sa kama at hinawakan nito ang kanyang katawan. Nakatulog pa nga silang magkayakap. Bakit naging malapit ito sa kanya ng gabing iyon?Ang alam lang niya ay pinilit niya itong mapasaya. N
Nagngalit ang bagang ni Ethan sa sinabi ni Hanna. “Pipirma ka o pipirma ka?”Heto na naman sila sa pamimilian na wala namang papamilian talaga. “Ayokong pumirma. Wala akong interes sa kayamanan mo. Kung ano ang dala ko ng una akong tumuntong sa mansyon ninyo ay iyon lamang ang dadalahin ko kapag oras ng umalis.”“Hindi kita pinagkakatiwalaan. Kaya pumirma ka para mapalagay ang loob ko. Mahirap na. Naiiba ang tao kapag pera na ang usapan.”“Problema mo na kung may trust issues ka. Basta hindi ako pipirma. Kapag pumirma ako, para ko na ding inamin na totoo ang ibinibintang mo sa akin. Wala akong interes sa’yo at sa pera mo!”Tinalikuran na niya ito at pumasok sa loob ng banyo upang magbihis. Kahit kailan ay hindi siya nagkainteres sa perang hindi niya pinaghirapan. Kung may iba siyang papamilian ay hindi niya ibebenta ang katawan at ang sarili para sa pera. Ngunit kapit na siya sa patalim.Kinabukasan ay wala na sa kwarto si Ethan pagkagising niya. Malamang ay nag-eexcercise na ito. Una
May nadinig siyang kalabog. Lumabas siya at naghanap ng pwedeng ipamalo. May nakita siyang sabitan ng coat o kung anuman na dapat isabit. Gawa ito sa bakal, dinampot niya at sinundan si Ethan. Baka mapahamak ito.Nagulat siya paglabas ng pinto. Sina Cali at Dylan! Ibinaba niya ang hawak na bakal.“Oh, anong ginagawa ninyo dito?” manghang tanong niya.“Nagde-date din! We are in a relationship na ni Dylan,” sagot ni Cali.Nagpalipat-lipat ang tingin niya sa dalawa.“Kailan pa?”“Whirlwind courtship ang nangyari sa amin. Basta na-inlove kami agad,” sagot uli ni Cali.“Bakit? Wala naman sigurong problema? Sabi nila sa mansyon, kinasal na daw kayo. Hindi ninyo man lang kami inimbita. Look, naka-move on na ako kay Ethan. At ang honey ko naman ay nakalimutan ka na, Hanna. Kaya happy na ang lahat.”Tumango siya. Hindi kaya ginayuma ni Cali si Dylan? Kilala niya ang lalaki. Hindi nito magugustuhan si Cali na moderno kung manamit.“Pasensya ka na, Cali. Biglaan ang kasal. Tutal ay nandito na di